Кулов: бардыгы даяр болгондон кийин коалиция шайлоо жоопкерчилигин алышы мүмкүн

© Sputnik / Табылды КадырбековПарламенттик көпчүлүк коалициясын лидери Феликс Кулов. Архив
Парламенттик көпчүлүк коалициясын лидери Феликс Кулов. Архив - Sputnik Кыргызстан
Жазылуу
Парламенттик көпчүлүк коалициянын лидери таза шайлоо өткөрүү жоопкерчилигин биометрия техникасынын толук кандуу даярдыгынан кийин гана ала турганын белгиледи.

БИШКЕК, 16-июль — Sputnik. Парламенттик көпчүлүк коалициясы таза жана ачык-айкын шайлоо өткөрүүнүн бардык жоопкерчилигин ала турганын альянстын лидери Феликс Кулов тегерек столдо билдирди.

Анын айтымында, коалиция шайлоого карата биометрия техникасынын толук кандуу даярдыгынан кийин гана жоопкерчиликти моюндайт. 

"Эгер аталган техника кынтыксыз иштеп, өкмөт добуш берүү процедурасына дыкат мамиле жасап, биз айткан сунуштардын баары эске алынса, коалиция шайлоо жоопкерчилигин алууга даяр", — деди Кулов.

Депутат шайлоого катыша турган партиялардан да, өкмөттөн да көп нерсе көз каранды экенин кошумчалады.

Жаңылыктар түрмөгү
0