БИШКЕК, 15-июль — Sputnik. Коррупцияга каршы күрөшүү кызматы тарабынан Талас облусунун Кызыл-Адыр таразалоо пунктунда туруктуу коррупциялык схема аныкталганын УКМК маалымат кызматы билдирди.
Маалыматка ылайык, текшерүү учурунда пункт жетекчилиги авто жолдон тийиштүү нормадан ашыкча жүк жүктөлгөн 400 унааны эч кандай уруксат документи жана айып пулсуз өткөрүп жиберген. Мындан улам өлкө казынасына төрт миллион сом өлчөмүндөгү каражат түшпөй калган.
Аталган факт боюнча Талас облустук прокуратурасы тарабынан пункт жетекчилигине карата кылмыш жаза кодексинин 304-беренесинин (Кызмат абалынан кыянаттык менен пайдалануу) негизинде кылмыш иши козголду.
Учурда тергөө иштери жүрүп жатат.
