БИШКЕК, 14-июль — Sputnik. Бишкек шаарында майрамдык Айт намаз 17-июлда Эски аянтта саат жети жарымдан сегизге чейин окулат. Бул туурасында Кыргызстан дин мусулмандар башкармалыгынан билдиришти.
Алгач, Өкмөт үйүнүн жанында жайгашкан Эски аянтта Айт намазга чогулуу таңкы алты жарымда башталат.
"Баян айтуу таңкы саат 6:30дан жетиге чейин болуп, өкмөт мүчөлөрүнүн жана келген коноктордун куттуктоолору жарым саатка созулат. Ал эми майрамдык намаз жарым саат окулат", — деп билдирди муфтияттын маалымат кызматынан.
Бишкек шаардык мэриясынан Айт намазды өткөрүү боюнча расмий уруксат берилгендигин билдирди.
Кыргызстанда орозо 16-июлда аяктайт. Өкмөт 17-июль орозо айтка туш келгендиктен майрам күн деп жарыялады.
