БИШКЕК, 8-июль — Sputnik. Бир суткада Чүй облусунда 1650 түк чөп, 9,1 гектар куураган чөп жана 8 тонна тезек күйгөн. Бул тууралуу Өзгөчө кырдаалдар министрлигинин маалымат кызматы билдирди.
Мисалы, Ысык-Ата районундагы Буденовка айылында бир КамАЗ толук өрттөнүп, 150 түк чөп да күйүп кеткен. Ал эми Москва районундагы тургундун 500 түк чөбү өрттөнгөн. Ошондой эле Ысык-Ата, Панфилов, Кемин жана Сокулук райондорунда 9 гектардан ашык жердеги куураган чөп, жарым гектар буудай жана 8 тонна тезек күйүп кеткен.
Бир сутка ичинде өлкө боюнча 26 өрт кырсыгы катталып, аны өчүрүүгө 26 өрт өчүрүү бөлүмдөрү тартылган.
