БИШКЕК, 25-июнь — Sputnik. Социалдык өнүктүрүү министрлигинде балдарга жардам көрсөтүү үчүн ишеним телефону түзүлө турганын өкмөттүн маалымат кызматы билдирет. Тийиштүү токтомго премьер-министр Темир Сариев кол койгон.
Ишеним телефонунун негизги максаты оор жагдайга кабылган балдарга да, алардын ата-энелерине да ыкчам түрдө психологиялык, маалыматтык, педагогикалык жана социалдык-укуктук жактан жардам көрсөтүү болуп саналат.
Телефонго түшкөн коңгуроолор купуя сакталып, жардам акысыз көрсөтүлөт.
Ишеним телефонунун артыкчылыгы балдардын укугун коргоо жана коопсуздугун камсыздоо болот.
