Испаниялык туристтердин өлүмүнүн себептери такталды

© flickr.com / neepsterАльпинисттин жабдык. Архив
Альпинисттин жабдык. Архив - Sputnik Кыргызстан
Жазылуу
Дүйшөмбү күнү өлгөндөрдүн сөөгү аскадан КР Коргоо министрлигинин вертолетунун жардамы менен түшүрүлдү.

БИШКЕК, 22-июнь — Sputnik. Каза болгон үч испаниялык Чүй облусунун Ала-Арча капчыгайындагы Ак-Тоо чокусуна чыгышканын Кыргызстандын альпинизм боюнча федерациясынын вице-президенти Владимир Бирюков билдирди.

Анын айтымында, алдын ала маалымат боюнча, чет элдик альпинисттер кар көчкүдөн улам тоодон кулап кетишкен.

Шаршемби күнү тоого чыгуу боюнча Каталониянын жаштар курама командасынын 10 мүчөсү Кыргызстандын чокуларын багынтуу үчүн келишкен.

"Ак-Тоо чокусуна чыгып кеткен үч бала белгиленген убакытта байланышка чыгышкан эмес. Ылдый жакта калгандар издеп чыгышып, алардын сөөктөрүн табышкан. Жекшемби күнү түштөн кийин бизге сөөктөрдү түшүрүү боюнча жардам сурап кайрылышты", — деди Бирюков.

Каза болгондор болжол менен 20 жаштын тегерегинде болушкан. Спортчулар багынта турган чокулардын маршрутун КР альпинизм федерациясынын гайдбугу боюнча өз алдынча тандап алышкан. 

"Алар Манас аэропортунан Ала-Арчага чейин унаа гана заказ кылышкан. Гид менен ашпозчуга заказ кылышкан эмес", — деди Бирюков.

Испаниялык үч турист Кыргызстандын тоолорунда каза болгонун Associated Press билдирүүдө
Сөөктөрдү Кыргызстандын альпинисттери дүйшөмбү күнү түшүрүштү. Операцияга КР Коргоо министрлигинин вертолету да катышты.

Учурда сөөктөрдү мекенине кайтаруу маселелери чечилип жатат.

Ак Тоо чокусунун бийиктиги деңиз деңгээлинен 4 620 метр бийиктикте турат. Тоо Чүй облусунун Ала-Арча капчыгайындагы Ак-Сай мөңгүсүндө жайгашкан. Бирюковдун маалыматында, мындай кырсык аталган тоодо биринчи жолу катталып жатат.

Жаңылыктар түрмөгү
0