БИШКЕК, 22–июнь — Sputnik. Кыргызстан менен Россиянын ортосундагы аскердик-техникалык кызматташуу жөнүндө макулдашуунун долбоору Жогорку Кеңештин эл аралык иштер боюнча комитети тарабынан жактырылганын парламенттин маааламат кызматы билдирет.
Эки тараптуу келишим аскер продукциясын жеткирүү принциптерин жакшыртууга жана улуттук Куралдуу күчтөрдүн куралдануу системасынын натыйжалуулугун арттырууга жардам берет.
"Мындан тышкары, документтин кабыл алынышы эки өлкөнүн коргоо-өнөр жай комплексиндеги ишканаларынын иш-аракеттери үчүн керектүү негиз түзүп берет", — деп айтылат макулдашууда.
Жыйынтыгында келишим парламент комитетинин мүчөлөрү тарабынан жактырылды.
