БИШКЕК, 22-июнь — Sputnik. Токмок шаарында жекшемби күнү түшкү саат экилер чамасында жол кырсыгы катталып, Subaru Forester автомашинасы суу тазалоочу курулмага түшүп кеткенин Өзгөчө кырдаалдар министрлигинин маалымат кызматы билдирди.
Маалыматка ылайык, айдоочу рулду башкара албай жолдон чыгып кеткен. Жол кырсыгынын кесепетинен бир адам каза болуп, беш адам жабыркаган.
Окуя болгон жерге ӨКМдин №21-адистештирилген өрт-куткаруу бөлүмүнүн куткаруучулары барып, каза болгон адамдын сөөгүн суудан чыгарышкан. Жабыркагандар тез жардам кызматынын унаасы менен Чүй райондук ооруканасына жеткирилген.
