Сойкулук менен алектенгендер үчүн айып пул жазасы киргизилиши мүмкүн

© flickr.com / HaifeezТуфличен кыз. Архив
Туфличен кыз. Архив - Sputnik Кыргызстан
Жазылуу
Депутат Кыргызстандын Кылмыш жаза кодексинде сойкулукка тартуу, сойкуканаларды уюштуруу жана аларды иштетүү үчүн жоопкерчилик каралганын баса белгилейт.

БИШКЕК, 22–июнь — Sputnik. Сойкулук менен алектенгендер үчүн айып пул жазасын киргизүү сунушталган мыйзам долбоору коомдук талкууга чыгарылды. Ага ылайык, административдик кодекске өзгөртүүлөр киргизилет.

Мыйзам долбоордун демилгечиси, депутат Нуркамил Мадалиев КРдин Баш мыйзамына ылайык, улуттук коопсуздукту, коомдук тартипти, жарандардын саламаттыгын жана укугун коргоо, калктын адеп-ахлактык коопсуздугу үчүн айрым жарандардын укугуна жана эркиндигине мыйзам тарабынан чектөө киргизүүгө мүмкүн экенин билдирди. 

"Кыргызстанда сойкулук менен алектенген аялдардын саны көбөйүп бара жатканы байкалат. Бул калктын репродуктивдүү жөндөмүнө жана аялдардын саламаттыгына терс таасир тийгизүүдө. Мындан ВИЧ-инфекциясы баш болгон ар кыл жугуштуу оорулар пайда болуп жатат", — дейт эл өкүлү.

Мадалиев сойкулук коомдун адеп-ахлагынын төмөндөшүн, үй-бүлө мамилелеринин бузулушун шарттайт деп эсептейт.

Депутат КРдин Кылмыш жаза кодексинде сойкулукка тартуу, сойкуканаларды уюштуруу жана аларды иштетүү үчүн жоопкерчилик каралганы менен, ал иш жүзүнө ашпай келерин баса белгиледи.

Жаңылыктар түрмөгү
0