БИШКЕК, 15-июнь — Sputnik. "Кырк чоро" коомдук кыймылынын жазган арызынын негизинде "МК-Азия" гезитинин башкы редактору Улугбек Бабакулов менен УКМК профилактикалык аңгемелешүү жүргүзгөнүн аталган мекеменин маалымат кызматы билдирди.
Белгилей кетсек, 2014-жылдын декабрь айында КТРКдагы "Тоолуктардын ток-шоусу" программасы чыгып, анда тарыхчы Абдрахман Алымбаевдин (Баяс Турал) кыргыздарды арстанга жана башка улуттун өкүлдөрүн чөөгө салыштырган. Берүү декабрда эфирге кеткенине карабай, андагы айтылган ойлор май айында социалдык тармактын колдонуучулары тарабынан катуу сынга алынып, талаш-тартышка себеп болгон.
Алымбаевдин айткандарына жүргүзүлгөн филологиялык саясий экспертиза негизинде анын айткандарында башкаларды кемсинтүү бар деген бүтүм чыгарылган. Ага ылайык, КТРКнын жетекчилиги аталган ток-шоуну убактылуу жаап, аны эфирге коё берген жетекчилер сөгүш алган болчу.
