БИШКЕК, 12-июнь — Sputnik. Кыргызстан авиакомпаниясы 3-июлдан тарта Ош-Тамчы аба каттамын ишке киргизе турганын Sputnik агенттигине Tez JET компаниясы билдирди.
Маалыматка ылайык, аптанын жума жана жекшемби күндөрү Ош облусунан Ысык-Көлгө эки каттам болот. Бир багытка карай каттамдын билет баасы 2,6 миң сомдон жогору болушу күтүлүүдө.
Ош-Тамчы-Ош аба каттамын BAЕ 146-200 (BritishAerospaceSystems) учагы тейлейт. Учак салонуна 99 жүргүнчү батат.
Компания учактары аталган багыт боюнча 24-октябрга чейин учат.
