БИШКЕК, 3-июнь — Sputnik. Түштүк Корея Кыргызстандагы добуш берүүлөрдү жакшыртуу үчүн берген 6,15 миллион доллар каражат кайтарымсыз грант түрүндө берилгенин Борбордук шайлоо комиссиясынын төрагасынын орун басары Гүлнара Журабаева Sputnik сайтынын кабарчысына билдирди.
Журабаеванын айтымында, сервердик бөлмө эл аралык стандарттарга туура келип, өрт жана маалыматтын коопсуздугу атайын стандарттардын негизинде сакталышы керек.
"Сервердеги маалыматтар абдан маанилүү. Кокус бөлмөдө өрт чыгып кетсе, ал суу менен эмес, газ менен өчүрүлүшү керек. Бул жерде коопсуздук маселесине өзгөчө көңүл бурулууда", — деди ал.
Серверди кореялыктар жасап, программалык камсыздоону да түзүп беришет.
Быйыл күздө боло туран парламенттик шайлоого 4500дөй урна керек. Жураева алардын баасы модификациясына жараша өзгөрөрүн айтып, баасы канча болорун тактаган жок. Ал тендер маалында аныктала турганын кошумчалады.
