БИШКЕК, 28-май — Sputnik. Коомчулукка ФИФАнын ири каржылык жана экономикалык махинациялары туурасында белгилүү болду деп билдирет РИА Новости The New York Times гезитине таянуу менен.
Таң эртеден Baur au Lac мейманканасында Швейцариянын ыкчам тергөө тобу аткаруу комитетинин бир нече мүчөсүн камакка алды. Кармоо жүргүзүлөрдөн мурун кармалуучулар уюмдун жаңы жетекчисин шайлоого даярданышкан. Бул иш-чара майдын аяк ченинде Цюрихте болмок.
"Баары ушунчалык жөнгө салынандыгы алар толук мыйзамдуу ишкердик кылгандай ой жаратат", — деди тергөөчү.
Белгилей турган нерсе, өткөн жылы комитет кызматтык тергөө жүргүзүп, бирок текшерүүнүн жыйынтыгында эч кандай мыйзам бузуу аныкталган эмес.
Швейцариянын парламенти акчаларды адалдоого каршы күрөш боюнча мыйзамды жакшыртып, ага спорт жаатындагы чиновниктерди да кошкон.
