БИШКЕК, 25-май — Sputnik. Премьер-министр Темир Сариев Жалал-Абад облусунун Сузак районундагы Кыр-Жол айылында жер көчкүдөн жапа тарткандарга 440 миң сом бөлүү боюнча буйрукка кол койду.
Буйрукка ылайык, акчалай жардам өкмөттүн резервдик фондунан бөлүндү.
"Жаратылыш кырсыгынан каза болгон алты кишинин үй-бүлөсүнө элүү миң сомдон бөлүндү. Ал эми оор жаракат алган беш кишиге 20 миңден, жеңил жаракат алган төрт кишиге 10 миң сомдон бөлүнөт", — деп айтылат билдирүүдө.
Бөлүнгөн каражат вице-премьер-министр Абдырахман Маматалиевдин жетекчилиги алдындагы штаб аркылуу таратылат.
