БИШКЕК, 25-май — Sputnik. "Ислам мамлекети" радикалдык тобунун согушчандары Пальмира шаарынан жана анын чет жакасынан аз дегенде эле 217 адамды өлтүрдү. Бул туурасында РИА Новости Франс Пресс агенттигине таянуу менен билдирди.
Адамдардын укуктарын сакталышына мониторинг жүргүзгөн Сириялык борбор 16-майдан тарта согушкерлер балдарды кошкондо, жөн жай сириялык 67 адамды, андан сырткары, 150 аскерийлерди жазалаган.
Буга чейин Сириялык улуттук телеканал "Ислам мамлекетинин" согушкерлери Пальмира шаарын басып алгандан кийин 400гө жакын адамды камакка алгандыгын билдирген. Аталган канал аялдарды, балдарды согушкерлер "Сирия өкмөтү менен кызматташты" деп күнөөлөгөндүгүн кабарлаган.
Бейшемби күнү массалык өлтүрүү болуп, 20 адам жазалангандыгы дүйнөлүк коомчулукка маалым болду. Ал эми беш үй-бүлөнү уурдап, радикалдар борбору деп атап алган Ракка шаарына алып кетишкен.
Тарыхый мурастардын эстелиги орун алган Пальмира шаары шаршемби күнү толугу менен согушкерлердин колуна өткөн. Шаардан чыгып кетер алдында Сирия армиясы элди, саясий жана аскердик 11 миң кылмышкерди жана баалуу тарыхый эстелик-буюмдарды алып чыгып кеткен.
Согушкерлер шаарга киргенден кийин ЮНЕСКОнун дүйнөлүк мурастар тизмесине кирген, мындан 1,5 миң жыл мурда римдиктер тарабынан курулган храмдардын урандылары жоголуу коопчулугуна калды.
