БИШКЕК, 13-май — Sputnik. Өзбекстандын чек арачылары окуя болгон учурда кармалган кыргызстандыкты бошотуп, каза болгон КРдин жаранынын сөөгүн кыргыз тарапка беришти деп билдирет Чек ара кызматынын маалымат кызматы.
Окуянын себептерин жана жагдайларын аныктоо үчүн 12-майда Сох анклавынын аймагында(Өзбекстан) Кыргызстандын Баткен бөлүгү боюнча чек ара кызматынын өкүлү менен Өзбекстандын Сох аймагы боюнча чек ара өкүлү жолукту.
Анын жүрүшүндө өзбек тарап Кыргызстандын жараны Мансур Махмуджан уулу өзбек чек арачылары курал колдонгондун натыйжасында алган жаракаттан көз жумганын, ал эми кармалган экинчи жаран Шумкар Махмуджан уулу чек ара бөлүмүндө экенин ырасташкан.
Азыр эки өлкөнүн чек ара кызматтары тараптардын тийиштүү органдары менен биргеликте окуяны териштирүүдө.
Окуя болгон аймакта кырдаал салыштырмалуу тынч деп бааланууда. Кыргызстандын чек арачылары чек ара аймагындагы калк арасында түшүндүрүү иштерин жүргүздү.
