БИШКЕК, 13-май — Sputnik. "Барселона" Чемпиондор лигасынын финалына чыкты. Бир жума мурун ал "Камп Ноу" стадионунда болгон оюнду 3:0 эсебинде утуп алган.
20 Жалган Куран 2015, 18:04
Шейшемби күнү кечинде Мюнхенде болгон оюнда "Барса" 3:2 эсебинде "Бавария" командасына утулуп, бирок үйүндө болгон оюндарды ири айырма менен уткандыктан, финалга чыкты.
Бул оюнда бавариялыктар үчүн голду Бенатия, Левандоски жана Мюллер киргизсе, барселоналыктардын көңүлүн Неймар катары менен эки гол киргизип көтөрдү.
Шаршемби күнү кечинде Чемпиондор лигасынын экинчи финалисти аныкталат. Мадридде боло турган оюнда "Реал" менен италиялык "Ювентус" командалары ойнойт. Турин (Италия) шаарында болгон биринчи матч италиялыктардын пайдасына 2:1 эсебинде аяктаган.
