БИШКЕК, 12-май — Sputnik. Берлиндеги "Трептов-паркында" 1945-жылы шаарды алууга катышып, курман болгон кыргыздардын аты жазылган такта орнотулду деп билдирди ТИМдин маалымат кызматынан.
Маалыматта иш-чарага Германиядагы Кыргызстандын элчиси Болот Отунбаев жана аталган өлкөдө иш алып барган башка өлкөлөрдөн дипломатиялык миссиялары катышкан.
Маалыматта "Трептов-парктагы" боордоштор мүрзөсүндө коюлган 7000ден ашуун жоокердин арасында кыргызстандыктардын аты-жөнү жазылган такта орнотулгандыгы кабарланды. Мекендештерибиз 1945-жылы Берлинди алууда курман болушкан.
Алар:
- 266-аткычтар дивизиясынын катардагы жоокери Бексултанов Жакубай, Фрунзе шаарында 1900-жылы туулган,
- 146-аткычтар дивизиясынын жоокери Жабуев Камчыбай, Ысык-Көл облусунун Жети-Өгүз районунда 1910-жылы туулган.
- 146-аткычтар дивизиясынын жоокери Иманбердиев Чаганбай, Жалал-Абад облусунун Таш-Көмүрүндө туулган 1924-жылы туулган
- 176-дивизиянын жоокери Садабаев Бейчин, Фрунзе шаарында 1920-жылы туулган
- 146-аткычтар дивизиясынын жоокери Чадиев Осман-Али, Ош облусунда 1924-жылы туулган
- 146-аткычтар дивизиясынын жоокери Тыналиев Айтымбай, Кант районунун "Интернационал" колхозунда 1913-жылы туулган.
1/2
© Фото / Пресс-служба МИД КР
"Трептов-парктагы" боордоштор мүрзөсүндө 7000ден ашуун жоокер коюлган
2/2
© Пресс-служба МИД КР
Ал жерде 1945-жылы шаарды алууга катышып, курман болгон кыргыздардын аты жазылган такта орнотулду
1/2
© Фото / Пресс-служба МИД КР
"Трептов-парктагы" боордоштор мүрзөсүндө 7000ден ашуун жоокер коюлган
2/2
© Пресс-служба МИД КР
Ал жерде 1945-жылы шаарды алууга катышып, курман болгон кыргыздардын аты жазылган такта орнотулду
Германиядагы Кыргызстандын элчилигинин атынан Улуу Ата мекендик согушка жана совет элине "Трептов-парктагы" куткаруучу жоокерге тургузулган монументке гүл чамбар коюлду.
