БИШКЕК, 30-апр. — Sputnik. Улуу Жеңиштин 70 жылдыгына карата боло турчу майрамдык парадка катышуу үчүн жөнөп кеткен КР Улуттук гвардиясынын аскерлери шаршемби күнү кечинде Кызыл аянттан басып, даярдыктарын көргөнүн КР Куралдуу күчтөрүнүн Башкы штабы маалымат кызматынын кызматы Гүлзат Жарашева билдирди.
Москванын Кызыл аянтында Улуу Жеңиштин урматына боло турчу парадка катышуу үчүн Кыргызстандын Улуттук гвардиясынын 75 жоокери 25-апрелде жөнөп кеткен.
Улуу Жеңиштин 70 жылдыгына карата боло турчу майрамдык парадка Россиянын аскерлеринен тышкары КМШ мамлекеттеринин, Монголиянын, Кытайдын, Индиянын, Сербиянын жана жакынкы чыгыш мамлекетинен келген аскерлер катышат.
2015-жылдын 9-майында боло турчу парад Россиянын тарыхындагы эң масштабдуу иш чара болуп калмакчы.
