БИШКЕК, 22-апр. — Sputnik. Биринчи вице-премьер-министр Тайырбек Сарпашев менен экономика министри Темир Сариев да кызматтан кетет деген алдын ала божомолдоосун билдирет саясат таануучу Игорь Шестаков.
Мурдараак өз кызматынан кетүүгө арыздарын Мамлекеттик мүлктү башкаруу фондунун башчысы Дүйшөн Ирсалиев, каржы министри Ольга Лаврова, "Кыргызалтын" ААКнын жетекчиси Токон Мамытов, ошондой эле транспорт жана байланыш министри Калыбек Султанов берген болчу.
Кыргызстанда министрликтер менен ведомство башчылары акыркы кезде өз кызматынан көп кетип жатышынын себеби жөнүндө өз пикирин Sputnik кабарчысы менен бөлүшүүдө Шестаков министрлер "мурдатан болгон бардык кемчиликтер үчүн жоопкерчилик келечекте барына теэ тие турганын" сезүүдө деди.
"Ошон үчүн алар (чиновниктер — ред.) баягы "Келемиштер чөгүп бара жаткан кемеден качат" эл лакабында айтылгандай иш кылып жатышат. Алар жоопкерчиликти өзүнө алып, аны премьер-министр менен кошо тарткылары келбейт", — деди эксперт.
Шестаков азыркы өкмөт өз милдеттерин "үчкө" аткарууда деп эсептейт. Бул КРдин ЕАЭБга кириши, Кумтөр маселеси, Centerra Gold Inc. Акцияларын камакка алуу процесстеринде утулуштар жана башка көп сандагы маселелер боюнча маалыматтык компанияларга тиешелүү.
Анын билишинче өкмөттүн жалгыз принципиалдуу көз карашы Кумтөрдү улутташтыруудан баш тартуу болду.
"Улутташтыргандык үчүн Centerra акционерлери биздин өлкөгө коё турган эл аралык дооматтарын Оторбаев (КРдин премьер-министри — ред.) өзүнө алууга даяр эмес деп ойлойм", — деди саясат таануучу.
Жакынкы арада тиги же бул себептер менен "Тайырбек Сарпашевдин жана, мүмкүн, Темир Сариевдин отставкасын күтүүгө болот" деп бөлүштү ал. Бирок бул, Шестаковдун пикиринде, республика ЕАЭБга киргенден кийин болот.
