Өзбекстанда өлкө башчысын шайлоо боюнча мөөнөтүнөн мурун добуш берүү башталды

БИШКЕК, 19-мар — Sputnik. Бейшемби күнү өзбек президентин мөөнөтүнөнө мурда шайлоо боюнча добуш берүү процесси башталды деп билдирет РИА Новости Өзбекстандын Борбордук шайлоо комитетине таянуу менен.

Өзбекстандын башчысын шайлоо күнү деп 29-март белгиленген. Өлкөнүн шайлануучу лидери бул жолу беш жыл жетекчилик кылат. Республиканын башчысын шайлоо акыркы жолу 2007-жылы өткөн. Анда мамлекетти 1989-жылдан бери башкарып келе жаткан Ислам Каримов жеңип чыгып, дагы жети жылга жетекчиликти колуна алган.

ӨзРдин Борбордук шайлоо комитетинин маалымат катчылыгы берген билдирүү боюнча шайлоо күнү добуш берүүгө мүмкүнчүлүгү жок шайлоочулар муну мөөнөтүнөн мурун жасай алат.

"Мыйзамга ылайык, мөөнөтүнөн эрте добуш берүү тууралуу жарандар шайлоонун расмий күнүнөн 10 күн мурун кайрыла алат", — деп белгилейт Өзбекстандын БШК.

Бир ай мурун Борбордук шайлоо комитети шайлоодо өз талапкерлери катыша тургандыгы жөнүндө арыз берген партиялар катары Өзбекстандын либералдык-демократиялык партиясын (ӨзЛиДеП), "Миллий Тикланиш" ("Улуттук кайра жаралуу") улуттук-демократиялык партиясын, Өзбекстандын элдик-демократиялык партиясын (ӨЭДП) жана Өзбекстандын "Адолат" ("Адилеттик" СДП) социал-демократиялык партиясын атаган.

Мамлекет башчылыгынын кызматына расмий талапкер деп БШК Өзбекстандын президенти Ислам Каримовду, депутат Акмаль Саидовду, ӨЭДПнын БК төрагасы Хатамжон Кетмоновду жана "Адолат" аткаруу комитетинин башчысы Наримон Умаровду атаган.