БИШКЕК, 19-мар. – Sputnik. Жалал-Абад облусунун тургуну шаршембиде, 18-мартта УКМКнын аталган аймактык бөлүмүнө кичинекей эки уулун уурдап кетип, кайра кайтаруу боюнча 10 миң доллар талап кылып жатканын айтып кайрылган.
Тогуз жана сегиз жашар балдарды уурдап кеткендер акча төлөнбөсө өлтүрөбүз деп коркуткандыгын УКМКнын маалымат кызматы билдирди.
Аталган кызматтын Жалал-Абад облустук бөлүмү ыкчам-иликтөө иштерин жүргүзүп, жыйынтыгында уурдалган эки бала аман-эсен табылган. Аларды уурдаганга шектелген Сузак районунун Комсомол айылынын эки тургуну кармалды.
Маалымат кызматы аталган факты боюнча Жалал-Абад Ички Иштер Башкармалыгынын тергөө бөлүмү Кылмыш жаза кодексинин 132- Адам уурдоо беренеси боюнча кылмыш ишин козгоду.
