БИШКЕК, 16-фев. — Sputnik. Бишкектеги жаңы конуштардын биринде балдарды өлтүрдү деп шектелген аял кармалды деп билдирди шаардык милициядан.
ШИИБдин нөөмөт бөлүмүнө 15-февраль күнү, саат 11.30дарда ШИИБге Арча Бешик жаңы конушунда энеси эки жаш баласын өлтүргөндүгү боюнча маалымат келип түшкөн.
Милиция окуя болгон жерге барганда үйдөн кыйнап өлтүрүлгөн белгилери бар, 3 жашар эрекек баланын, 4 жашар кыз баланын өлүктөрү табылып, кылмыш болгон жерден ашкана бычагы табылып алынган.
Кылмыштын себебин иликтөө үчүн соттук-медициналык экспертиза иштеп баштады. Алдан ала маалыматтарга караганда, кылмышка шектелип жаткна балдардын энеси 1981-жылы Балыкчы шаарында туулган.
