БИШКЕК, 15-дек — Sputnik. Кыргызстандын интеграциялык жаңы уюмга киришинин алкагында президент Алмазбек Атамбаев "Айлана-чөйрөнү коргоо жөнүндөгү" мыйзамга толуктоолорду киргизүү тууралуу мыйзамга кол койду. Бул туурасында президенттин маалымат кызматы билдирди.
Аталган мыйзам Жогорку Кеңеш тарабынан 2014-жылдын 10-декабрында кабыл алынган.
Мыйзамдын максаты – озон катмарын бузуучу заттарды колдонгондо айлана-чөйрөнү коргоо боюнча чараларды күчөтүү, Кыргыз Республикасынын мыйзамдарын Евразия экономикалык биримдигинин алкагында тарифтик эмес жөнгө салуу чөйрөсүндөгү эл аралык-укуктук актылар менен шайкеш келтирүү.
Буга чейин да президент Евразия экономикалык биримдигине кирүүгө шайкеш келтирилген бир нече мыйзамдарга кол койгон.
