Адис: COVID симптомcуз өтпөйт, болгону бул адамдардын иммунитети күчтүү

© Sputnik / Алексей Филиппов / Медиабанкка өтүүПрилет россиян из Нью-Йорка в Москву
Прилет россиян из Нью-Йорка в Москву - Sputnik Кыргызстан
Жазылуу
Профессор "симптому жок" делгендердин организминде вирус басылып калгандыктан, алар ооруну башкаларга жугуза албайт деп эсептейт.

БИШКЕК, 16-июл. — Sputnik. Коронавирус менен симптому жок ооругандар болбойт. Бул тууралуу микробиолог, ардактуу профессор жана Берн университетиндеги (Щвейцария) иммунология институтунун мурдагы жетекчиси Беда Штадлер билдиргенин "Известия" басылмасы жазып чыкты.

Анын ою боюнча, "симптому жок" делгендердин балдардыкы сыяктуу ооруга иммунитети бар. Коронавирусту текшерген тесттер вирустун тирүү экенин же иммундук системанын алдында калганын аныктай албайт. Жыйынтыгында тест вирустун урап калган майда бөлүкчөлөрүн оору катарында кабылдап коюшу ыктымал. Башкача айтканда, тест адам оорубаса да ооруп жатат деп көрсөтүшү мүмкүн.

Сатыбалдиева: коронавирус кан аркылуу жукпайт

Адис "симптому жок" делгендердин организминде вирус басылып калгандыктан, алар ооруну башкаларга жугуза албайт деп эсептейт.

Беда Штадлер COVID-19 менен күрөшүүдөгү бир нече каталарды белгилеген. Профессордун айтымында, коронавирус Sars-CoV-2 жаңы вирус эмес. Ал сасык тумоону чакырып, жайында жоголуп кеткен сезондук вирус сыяктуу.

Штадлер мисал катары немис окумуштууларынын изилдөөлөрүн алган. Ага ылайык, Берлиндин COVID-19 менен оорубаган адамдарынын 34 пайызында Т-клетка үчүн жооп берген иммунитет аныкталган. Бул клеткалар кадимки сасык тумоону чакырган Sars-CoV-2 инфекциясына окшош вирустарды таап, алар менен күрөшөт.

Экинчи толкунга даярданыш керек. Адистер Жээнбековго бир нече сунуш айтты

Эксперттин айтымында, эпидемиологдор коронавирустун сезондуу көрүнүш экенине ишенбей жатып туура эмес модель, божомолдорду түзүп алып жатышат.

"Биринчи түзүлгөн эң начар сценарийлер эч жерде болгон жок. Айрым адамдар экинчи толкун тууралуу моделдерге дагы эле жабышып жатышат", — деген окумуштуу.

Адис вирус кышында кайтып келиши мүмкүн экенин айтып, бирок бул "экинчи толкун эмес, жылдагыдай эле сасык тумоо сезону" болорун божомолдоду.

Жаңылыктар түрмөгү
0