ТИМ: Иранда кыйраган учакта кыргызстандыктар болгон эмес

© REUTERS / Nazanin Tabatabaee / WANA NEWS AGENCYКрушение украинского самолета Boeing 737 на окраине Тегерана
Крушение украинского самолета Boeing 737 на окраине Тегерана - Sputnik Кыргызстан
Жазылуу
Маалыматка ылайык, авиакырсыктан каза тапкандардын басымдуу бөлүгү ирандыктар эле. Экипаждын тогуз мүчөсү да мүрт кетти.

БИШКЕК, 8-янв. — Sputnik. Ирандын борбору Тегеранда кыйраган учакта каза болгондордун арасында Кыргызстандын жарандары жок. Бул тууралуу өлкөнүн Тышкы иштер министрлиги билдирди.

РИА Новости агенттигинин маалыматы боюнча, авиакырсыктан каза тапкандардын басымдуу бөлүгү ирандыктар болгон. Бортто жалпы жонунан 177-180 адам баратканы айтылат. Анын ичинен тогузу экипаждын мүчөсү.

Самолет Boeing 737-800 авиакомпании Украина  - Sputnik Кыргызстан
Иранда кулаган Украина учагынан эч ким аман калган жок. Кырсыктын сүрөттөрү
Акыркы маалыматтар боюнча, аба кемесинде Иран, Украина, Канада, Швеция, Афганистан, Германия жана Улуу Британиянын жарандары болгону айтылды.

Boeing 737-800 үлгүсүндөгү аба кемеси Украинага таандык. Ал 8-январдын таңында Тегеран — Киев багыты боюнча учуп чыккандан эки мүнөттөн кийин радардан жоголуп, аэропорттон алыс эмес жерге кулаган. Ичиндеги адамдардын бири да аман калган эмес. Кызыл жарым ай коомунун Ирандагы эл аралык операциялар боюнча директору Мансуре Багери набыт болгондордун сөөгүнүн калдыктарына карап таанууга мүмкүн болбой жатканын билдирди.

 

Жаңылыктар түрмөгү
0