09:17 21 Бирдин айы 2020
Түз эфир
  • USD69.8500
  • EUR75.4170
  • RUB1.0958
Дүйнөдө
Кыскача шилтеме алуу
Ирандын АКШнын базасына сокку уруусу (19)
1747 0 0

АКШнын батыш аймагында жайгашкан “Аль-Асад” аскердик базасы ракеталык чабуулга тушукту. Жабыркагандар жана кыйроолор тууралуу азырынча маалымат жок.

БИШКЕК, 8-янв. — Sputnik. Ирактын батышында жайгашкан АКШнын "Аль-Асад" аскердик базасы ракеталык чабуулга тушукту. Бул тууралуу РИА Новости Sky News телеканалына шилтеме берүү менен жазды.

Кийинчерээк америкалык чиновник кол салуу болгонун тастыктап, азырынча жабыркагандар жана келтирилген зыян тууралуу маалымат жок экенин кошумчалаган.

Ирандын Ислам революциясын коргоочулар корпусу (ИРКК) соккуну алар жасаганын жар салды деп жазды Press TV.

"ИРКК Американын "Аль-Асад" аскердик базасына ондогон ракета менен сокку урду", — дейт телеканал Twitter баракчасында. 

Маалыматта чабуул генерал Касем Сулейманинин өлүмү үчүн өч алуу болгону белгиленет.

Америкалык чиновникке таянып ABC сокку баллистикалык ракеталар менен жасалганын жазды.

Билдирүүдө чабуул АКШнын Ирактагы бир нече объектисине багытталганы жазылат. Алардын ичинен кол салууга "Аль-Асад" тушуккан. 

Ал эми Ирактын Коопсуздук кызматындагы маалымат булагы америкалык базага ондой сокку жасалганын белгиледи.

АКШ президенти Дональд Трамп окуя тууралуу кабардар болуп, азыр кырдаалга тыкыр көз салып жатканын басма сөз катчысы Стефани Гришэм билдирди.

"Биз сокку тууралуу билебиз. Президент кабардар болду, жагдайга көз салып, улуттук коопсуздук командасы менен консультацияларды жүргүзүүдө", — деди Гришэм.

Белгилей кетсек, жыл жаңырары менен АКШ Багдаддын аэропортуна жасаган ракеталык чабуулунан кийин Ислам революциясынын коргоочулар корпусунун генералы Касем Сулейманини жок кылган. Мындан кийин Иран генерал үчүн өч алууну убадалап, АКШга сокку уруунун 13 сценарийи бар экенин жар салган. Ал эми Трамп америкалыктар чабуулга өтө турган болсо, Ирандын 52 объектисине сокку урарын билдирген.

Тема:
Ирандын АКШнын базасына сокку уруусу (19)

Тема боюнча

Абал курчуп баратат. Трамп Иран менен Иракка сөөмөй кезеди
Иран АКШнын Ирактагы аскерий объектилерине сокку урду
"Согушту Америка баштады". Иран АКШнын аскерий объектилерине сокку урарын айтты
Белгилер:
абадан сокку, АКШ, Ирак, Иран

ЭҢ МААНИЛҮҮ