БИШКЕК, 30-ноя. — Sputnik. Жума күнү түштөн кийин Лондондогу көпүрөдөн кишилерге бычак менен кол салган жаран 28 жаштагы Усман Хан экенин полиция маалымдады. Ал 2012-жылы кесилип, бирок 2018-жылы декабрда мөөнөтүнөн мурда бошотулганын BBC басылмасы жазды.
After London, we have now have a stabbing in The Hague, the Netherlands. #LondonBridge #DenHaag pic.twitter.com/lioJJN9Mfx
— Jelle Simons (@jelle_simons) November 29, 2019
Белгилей кетсек, бычак менен кол салуудан бир нече киши жаракат алып, эки киши каза болгон. Кол салган кишини Лондон полициясынын спецназы атып өлтүргөн.
Укук коргоо органдары бул кол салуунун мотиви кандай болгонун азырынча айтуу эрте экенин, бирок теракт болушу ыктымал деген божомолун билдирүүдө.
Лондон көпүрөсү Британиянын баш калаасындагы эл көп жүргөн жерлердин катарына кирет. Бул аймакта финансы уюмдары менен соода борборлору тыгыз жайгашкан.
