15:03 18 Кулжа 2021
Түз эфир
  • USD84.6400
  • EUR101.1490
  • RUB1.1674
Дүйнөдө
Кыскача шилтеме алуу
Ишкер Айэркен Саймаитинин Түркияда өлтүрүлүшү (40)
2522 0 0

Ишкер Айеркен Саймаити Стамбулдун Фатих аймагындагы мейманканалардын биринин короосунда отурган жеринен атып өлтүрүлгөн.

БИШКЕК, 11-ноя. — Sputnik. Кыргызстандын Тышкы иштер министрлиги ишкер Айеркен Саймаити атылган аймактан анча алыс эмес жерде токтоп турган Range Rover үлгүсүндөгү жол тандабаска тагылган консулдук номер кимге таандык экенин тактап жатат. Бул тууралуу министрликтин маалымат кызматы билдирди.

Учурда соцтармактын айрым колдонуучулары жол тандабастын номери Кыргызстандын Стамбулдагы башкы консулдугуна таандык болушу ыктымал деген пикирлерин айтышууда.

Sabah басылмасынын жазышынча, маркум Кытайдын жана Украинанын жараны болгон.

Белгилей кетсек, ишкер Айеркен Саимати Стамбулдун Фатих аймагындагы мейманканалардын биринин короосунда отурган жеринен атып өлтүрүлгөн. Жергиликтүү ЖМКлардын жазышынча, ишкерди эки киши артынан машина менен акмалап келип атып, андан кийин ошол эле автоунаа менен из жашырган. Ишкер дароо ооруканага жеткирилгени менен өзүнө келбей каза болгон.

Окуя болгон аймактан алыс эмес жерде токтоп турган 34 CC 2092 номерлүү автоунааны укук коргоо органдары алып кеткен.

Түрк полициясынын маалыматы боюнча, Саймаити ижарага берүү жана бажы жол-жоболоштуруу иштери менен алектенген жана акыркы убактарда бир катар көйгөйлөрү болуп келген.

Айэркен Саймаитинин аты Кыргызстандын экономикалык кылмыштуулукка каршы күрөшүү кызматынын текшерүүсүндө аталган. Финпол "Азаттык" радиосунун журналисти Али Токтакуновдун Матраимовдордун үй-бүлөсүнө байланышы бар компаниялар аркылуу ири суммадагы акчалардын өлкөдөн чыгарылып кетиши жөнүндө журналисттик иликтөөсүндө айтылган фактыларды иликтеген. Анда Saimaiti Aierken (Айэркин Саймаити) аттуу жеке ишкердин, "Абдыраз" ЖЧКсы жана Wufuli Bumailiyamu (Вуфули Бумаилиамуну) деген ишкердин 11 банктагы каражатынын которулушу текшерилген.

Тема:
Ишкер Айэркен Саймаитинин Түркияда өлтүрүлүшү (40)

Тема боюнча

Стамбулда ишкер Айэркен Саймаитини атып кетишти. Жеринен тартылган видео
Балтанын сабы менен чаап койгом... Кеминде аялын өлтүргөн эркек соттолду
Белгилер:
Айеркен Саймаити, Тышкы иштер министрлиги, Түркия, Кыргызстан

ЭҢ МААНИЛҮҮ