БИШКЕК, 3-окт. — Sputnik. Сауд Аравиянын бийлиги кыз-келиндердин аскерге барып, кызмат өтөшүнө биринчи ирет уруксат берди. Бул тууралуу РИА Новости "Аш-шарк аль-аусат" басылмасына таянып кабарлады.
Аталган королдуктун Коргоо министрлиги кыз-келиндерди аскерлердин катарына кабыл ала баштаган. Алар катардагы жоокерден тарта офицерлик кызматтарды аркалай алат. Аскер аба жана аскер деңиз күчтөрүндө, абадан коргонуу, стратегиялык ракеталар жана медициналык тармакта өзүн сынап көрсө болот.
Армияда сауд аялдарынын болушу консервативдүү мамлекеттин аялдардын ролун өзгөртүү боюнча жаңы кадамы катары каралууда. Бул мураскер ханзаада Мухаммед бен Сальмандын жетекчилиги менен алдыдагы 30 жылга чейинки жасалган экономикалык өзгөрүштөр программасынын алкагында болгондугу айтылды. Анда кыз-келиндерди королдуктагы реформанын кыймылдатуучу негизги күчтөрүнүн бирине айлантуу туурасында да жазылган.
Биздин Telegram-каналга жазылыңыз.
