17:54 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Дүйнөдө
Кыскача шилтеме алуу
397 0 0

Окумуштуулар ысык 2022-жылга барып гана басаңдай турганын, ага чейин аптаптан адам баласы бир топ зыян тартарын эскертишти.

БИШКЕК, 15-авг. — Sputnik. Жер жүзүн жакынкы беш жылда аптаптуу ысык каптап, кыш жылуу болот. Климатологдордун изилдөөлөрүн РИА Новости Nature Communications журналына шилтеме берип жарыялады.

"Биздин климаттык модель абдан ысык аба ырайы кеминде дагы беш жыл сакталып турарын көрсөттү. Ал эми деңиздерде бул дагы узак болот", — деп билдирген окумуштуулар.

Климаттагы глобалдык ысыктын кесепети жараталыштын ар кыл кескин кубулуштарына алып келет. Анда кышында ысык, жайында суук, аптап, жумалаган жамгыр, кургакчылык бир катар көрүнүштөрдү жаратары айтылат.

Окумуштуулар буга 2012-жылдагы Крымскидеги суу каптоолорду, Россиядагы 2010-жылдагы болуп көрбөгөндөй ысыкты айтып, дүйнөдөгү дагы бир топ ондогон мисалдарды келтирген.

Макалада глобалдык жылуулуктун айынан жаратылыштын мындай "кыялдары" көбөйүп, арбын аймакты камтый турганы белгиленди. Климатологдор булар адамдын өмүрүн ала тургандыгын айтышты. Тагыраагы, жайындагы көтөрүлүп кеткен ар бир "ашыкча" градус адам өлүмүн ар бир беш пайызга көбөйтүп турат дешти.

Бреста (Франция) университетинин окумуштуусу Флориан Севелле менен Нидерланддардын Метеорология институтунун илимпозу Сибрен Дрижфхоут изилдөө жүргүзгөн. Анда Жер жүзүндөгү жакынкы беш жылда аптаптуу ысык каптап, кыш жылуу болот деген жыйынтык чыккан. Бул эң кеминде деген тыянак экендигин, балким андан да узакка созулушу мүмкүндүгүн эскертишкен.

Окумуштуулар ысык 2022-жылга барып гана басаңдай тургандыгын айтышты. Климатологдор аны менен катар эле Жердеги океандардын суусу бир топ мезгилге чейин жылыган боюнча кала тургандыгына 69 пайыз мүмкүнчүлүк бардыгын билдиришти.

Адистердин айтымына караганда аптаптуу ысыктан качып кутулууга мүмкүн эмес. Ал быйыл 64 пайыздан, 2019-2020-жылдары 58 пайыздан ашат.

Жакынкы мезгилдери Севелле менен Дрижфхоут Жердин ар кайсы бурчундагы аба ырайына божомол жасай тургандыгын билдиришти. Климатологдор муну менен Жердин жашоочуларына климаттын аномалдуу кубулуштарына даярданууга жардам беребиз деген ниетин айткан.

Тема боюнча

Окумуштуулар 2080-жылы ысыктан көз жумгандардын саны беш эсе өсөрүн эскертти
Белгилер:
аба ырайы, Окумуштуулар, климат, жер, аптап, ысык

ЭҢ МААНИЛҮҮ