02:03 13 Бештин айы 2017
Түз эфир
Пил. Архив

Индияда 15 адамды тепселеп өлтүргөн пил атылды

© Sputnik / Владимир Вяткин
Дүйнөдө
Кыскача шилтеме алуу
45410

Жапайы жаныбарды зыянсыздандырууга 100дөй адам катышкан

БИШКЕК, 13-авг. — Sputnik. Индиялык мергенчи Наваб Сафат Али Кхан бийликтин өтүнүчү менен Джаркханд штатында ондон ашык адамды тепселеп өлтүргөн пилди атып өлтүрдү. Бул тууралуу РИА Новости Ассошиэйтед пресс агенттигине шилтеме жасап жазып чыкты.

Маалыматка ылайык, жапайы жаныбарды зыянсыздандырууга 100дөй адам катышкан. Бирок жергиликтүү бийлик пилди жок кылууда Али Кханга гана ок чыгарууга уруксат берген.

Мергенчинин айтымында, операция коркунучтар менен коштолду.

"Эгер жаныбар бизди тумшугу менен сүзгөндө аман калмак эмеспиз", — деди мергенчи.

Жапайы жаныбарды аттыруу чечими бир жума бою ага дары берип кармоо аракеттеринин жыйынтыксыз болгондугунан улам кабыл алынган. Анткени пил март айында Бихар штатында төрт адамды, Джаркханд штатында 11 кишини тепселеп өлтүргөн.

Айлана-чөйрөнү коргоо министрлигинин эсеби боюнча, Индияда сейрек кездешкен жаныбарлардын кол салуусунан күнүнө жок дегенде бир адам көз жумат.

Тема боюнча

Адамдарга кол салуу үчүн катерге секирген акуланын видеосу
Кытайда төөлөрдү сактап калуу үчүн 145 кен иштетүү жайлары жабылат
Белгилер:
кол салуу, пил, Индия
Колдонуу эрежелериПикирлер

ЭҢ МААНИЛҮҮ