06:39 17 Бугу 2021
Түз эфир
  • USD84.6213
  • EUR102.6076
  • RUB1.1436
Видео

Президент Садыр Жапаров кыргызстандыктарга кайрылуу жасады. Видео

Кыскача шилтеме алуу
Баткендеги кыргыз-тажик жаңжалы (255)
263 0 0
© Пресс-служба президента КР

Президент Садыр Жапаров мамлекеттик чек аранын кыргыз-тажик тилкесиндеги кырдаалдын турукташуусу боюнча элге кайрылуу жасады.

Өлкө башчы 28-30-апрелдеги окуялар ондогон жарандардын өмүрүн алып кеткенин эске салып, айрыкча, 12 жашар кыздын өлүмүнө терең кайгырып отурганын билдирди.

“Мамлекетибиздин ар бир чарчы метр жери үчүн жан аябай салгылашып, жанын берген каарман жоокерлерибиздин эрдигине башымды ийип таазим этемин. Жоокерлерибиз Манас Атанын чыныгы урпактары, кыргыздын нагыз эр жүрөк баатырлары экендигин далилдеди! Дарыгерлерибиздин, куткаруучуларыбыздын жана гуманитардык жардам көрсөтүп жаткан ыктыярчыларыбыздын ишин өзгөчө белгилейм. Алардын көк жалдыгы, эрдиги жана күйүмдүүлүгү кийинки муун үчүн өрнөк”, — деди Жапаров.

Ошондой эле ал Тажикстандын президенти Эмомали Рахмон менен эки ирет сүйлөшүп, чатакты ырбатпоо үчүн чек араны тактоо боюнча өкмөттөр аралык комиссиялар ортосундагы иштин натыйжасында тийиштүү протоколго кол коюлганын айтты.

“Чатак ырбаса эки тарап тең мындан чоң жоготууларга учурамак, жүз миңдеген үй-бүлө кайгы-муңга бөлөнмөк. Ушуну элибиз туура түшүндү деп ойлоймун. Кудай жалгап эки тарап кандуу согушту токтоттук”, — деди президент.

Сөзүнүн аягында Жапаров мындан ары жаңжалды алдын алуу максатында коңшу же аралаш жашаган айылдарда эки тараптын сыйлуу аксакалдарынан, урматтуу адамдарынан турган тынчтыкты сактоо комиссиясын түзүүнү сунуш кылганын айтты.

Тема:
Баткендеги кыргыз-тажик жаңжалы (255)

Тема боюнча

Ташиев: тажик тараптан зыяндын ордун толтурууну талап кылбайбыз
"Головнойдо" минометтун огунан 25тен ашык киши өлгөн. ИИМдин билдирүүсү
Чыр чыгарын билгенбиз. Ташиев Новиков менен Максатка барды. Сүрөт
Белгилер:
Баткен, кайрылуу, Садыр Жапаров

Дагы видео

ЭҢ МААНИЛҮҮ