08:14 14 Теке 2020
Түз эфир
  • USD77.7022
  • EUR87.9123
  • RUB1.0983
Видео

"Франкфурт жана Маяне" үчүн эмес. Масалиев төраганын отставкасы тууралуу айтты

Кыскача шилтеме алуу
400 0 0
© Sputnik / Эмиль Садыров

Депутат Исхак Масалиев декабрь айынын башында Жогорку Кеңештин төрагасы Дастан Жумабековду отставкага кетирүүнү демилгелеген. Парламентарийдин сунушу өзү мүчөлүк кылган "Өнүгүү — Прогресс" фракциясынын кароосунда турат.

Эл өкүлү мындан бир ай мурун төраганын кызматын тапшыруу боюнча жөнөткөн сунушу азыркыга чейин фракциянын жыйынында карала электигин билдирди. Ошондой эле ал Франкфурт-на-Майне шаарынын аталышын туура эмес айтканы сынга аларлык көрүнүш эместигин айтып, Жумабековдун башка аракеттери парламенттин беделин түшүрүп жатканын белгиледи.

"Кыргыз болгону үчүн айрым орусча сөздөрдү туура эмес сүйлөсө эч качан күлбөш керек. Мен анын отставкасын башка маселе боюнча сунуштадым. Төрага эл аралык форумдарда жасаган докладын маани-маңызын түшүнбөй эле окуп жатат. Бүгүнкү күндө депутаттар көп сын угуп жатат, мында төраганын түздөн-түз жоопкерчилиги бар. Жыйынды туура алып барып, өкмөт менен мамилебизди тартипке алып келгенде буга жетпейт болчу", — деди Масалиев.

Эл өкүлү фракциянын жыйыны качан болору азырынча белгисиз экенин кошумчалады.

Белгилей кетсек, Жогорку Кеңештин төрагасы Дастан Жумабековдун тилинен жаңылышы социалдык тармактарда катуу талкууга алынып келет. Анын Казакстанга болгон иш сапарында окуган доклады да сынга кабылган. Парламенттин жыйынында Германиянын Франкфурт-на-Майне шаарын эки жолу туура эмес айтып алган.

Жумабеков 2017-жылдын 25-октябрында Жогорку Кеңештин төрагасы болуп шайланган.

Тема боюнча

"Франкфурт-на-Маяне". Дастан Жумабеков тилинен жаңылды. Мурунку, кийинки видеолору
Төрага жаңы шаар ойлоп таптыбы? Жумабеков тилинен жаңылган видео
Белгилер:
сунуш, отставка, төрага, депутат, Исхак Масалиев

Дагы видео

ЭҢ МААНИЛҮҮ