03:32 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Видео

"Бизди кой деп аташууда". Депутат Рыспаевдин ызаланган видеосу

Кыскача шилтеме алуу
854 0 0
© Видео / пресс-служба ЖК

Депутат Кожобек Рыспаев Жогорку Кеңеште элита отурганын бүгүн дагы бир жолу белгилеп өттү. Ошондой эле ал парламентарийлерди "кой" деп ачык эле айтып жатышканына ызаланып, буга чара көрүү керектигин билдирди.

Жогорку Кеңештин жалпы жыйынында Кожобек Рыспаев акыркы кезде профсоюздардын айланасында болуп жаткан иштер тууралуу маселе көтөрдү. Эл өкүлү профсоюздар алар тууралуу мыйзам жазып жаткан депутаттардын кабинеттерине чейин кирип келип, ортого тааныш-билиштерин салып жатканына нааразы.

"Профсоюз деген бизде монстр чыкты. Мыйзам жазып жатсак депутаттардын кабинеттерин кыдырып жүрүшөт. Менин колумда ушундай чакырыктар бар. Койлор деп жатышат. Ачык эле телефон номерлерин коюп жазып жатат. "Кутман таң, жакында ушундай койлорду шайлайбыз. Профсоюздар жөнүндө жаңы мыйзам жазып жаткандарды жоготуш керек. Ошолордун 2020-жылкы шайлоодогу тизмеде болбошуна аракет кылыш керек. Бул биздин колдон келет, биз жеңебиз" деп жатат", — деп депутат тарап жаткан чакырыкты жалпы жыйында окуп берди.

Мындан улам аларга чара көрүү керектигин айтып, вице-спикер Мирлан Бакировго кайрылды.

"Мен бир жолу "чимкирик" деген сөзгө "элитабыз" деп койсом эмне деген асылуу болду. Чын эле айтам, бул жерде кимдер отурат? Бири-бирибизди карап, колдоп, мындайларга бөгөт коюш керек. Телефон номерлеринен бери калтырып ачык жазып жаткандарды берип коёюн. Эми профсоюздар жөнүндө мыйзамды колдоп өткөрбөсөк биз коомчулукка шылдың болобуз", — деди депутат.

Ал ортодо профсоюздар мамлекеттин мүлкүнүн баарын сатып жатканын сындап, бул боюнча өкмөткө тапшырма берүү керектигин кошумчалады.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Бир кыз өлгөн. Кожобек Рыспаев 20 жыл мурун кабылган авариянын чоо-жайын айтты
"Биз чимкирик эмес, кыргыз элинин элитасыбыз!" Депутат Рыспаев ачууланганда
Белгилер:
профсоюз, кой, депутат, Кожобек Рыспаев

Дагы видео

ЭҢ МААНИЛҮҮ