Кыргызстандын Бажы кызматынын жетекчисинин мурдагы орун басары Райым Матраимовдун экс-президент Алмазбек Атамбаевге жасаган кайрылуусу NewTV каналынын YouTube каналына жарыяланды.
Матраимов 1-май күнү атасы Исмаил Матраимовдун элесине арналган иш-чарадан кийин Атамбаевдин тарапташтары аны каралай баштаганын белгилеген.
"Алмазбек Шаршенович, азыркы президент менен болгон мамилеңиздерге мени аралаштырбоону суранам. Мага карата калпты чындай кылып каралаганыңызды токтотпосоңуз, мындан ары жөн отурбайм", — деди Матраимов.
Ал ошондой эле Атамбаев менен күрөшүүгө тийиштүү маалыматтары жана күч-кубаты жетишерин кошумчалады.
