Борбор калаада таксист руль башкарганча телефонунан оюн ойноп бара жаткан видео Facebook тармагына жарыяланды.
Тасмадан айдоочу бир колуна телефон кармап "Танки" оюнун ойноп жатканын көрүүгө болот. Бир маалда телефонду эки колуна алып рулду чыканагы менен башкарууга өткөн.
"Канча сурансак дагы ал оюнун токтоткон жок. Салондо баратып корктук", — деп видеонун автору жазган.
Таксисттин мындай жоругу интернет колдонуучуларынын да нааразычылыгын жаратты.
Жол кыймылы коопсуздугун камсыздоо башкы башкармалыгы бул боюнча кийинчерээк комментарий берүүнү убадалады.
