Кытайлык теле алып баруучу Янг Дан жаштыгы менен көрүүчүлөрдү таңгалдырып, социалдык тармакты дуу кылды. Бул тууралуу The Daily Mail жазып чыкты.
Телекөрүүчүлөр алып баруучунун жаңыдан экранга чыккан 1996-жылдан бери эч өзгөрбөгөнүн байкашкан. Соцтармактын пайдалануучулары Янг Дандын 1996-жылдан баштап 2018-жылга чейинки берүүлөрүнөн үзүндүлөрдү даярдап, ал кытай телеканалдарынан 8-март майрамына карата көрсөтүлгөн.
Маалыматка ылайык, Янг CCTV каналына 22 жашында келип, ишин алып баруучулуктан баштаган. Азыр аял 44 жашта, ушу тапта да алып баруучу көрүүчүлөрдү аба ырайынын божомолу менен тааныштырып келет. Убакыт өткөнүнө карабастан Янгдын эч бир өзгөрбөгөнүн көрүүгө болот.
Видео соцтармакка желдей тарап, 20 миңден ашуун адам пикир калтырган. "Карыбас ханыша" атка конгон Янгдын жаштык сырын билүүгө ынтызарлар өтө көп.
