The Beauty Of Kyrgyzstan (Кыргызстандын сулуулугу) деп аталган видео жакында эле алардын We Travel The World аттуу блогунда жарыяланды.
Эки мүнөттүк видеодон Жыргалаң, Жети-Өгүз тоолорун, Барскоон капчыгайын, Жолголот аймагын жана Бурана мунарасын көрүүгө болот.
Видеодогу түшүндүрмөгө ылайык, саякатчылар Кыргызстанды былтыр жайында кыдырган.
"Дронду алып алганыбыз жакшы болуптур, өлкөнүн кооз жерлерин тартып алдык. Жаратылыштын ажайып сулуулугу кишини толкундатат", — деп авторлор өз пикирин билдирген.
Туристтер андан сырткары, Бишкек шаары жана өлкөдөгү ат минип сейилдөө боюнча да өзүнчө видео тартышкан.
Аял-күйөө Мартин менен Каро Мертен We Travel The World туристтик блогун түзүшкөн. Жуптар 2013-жылдан бери дүйнө кыдырып жүрөт. Алар өлкөлөр боюнча маалыматтарды топтоп китеп кылып чыгарышат. Анда түрдүү кеп-кеңештер дагы камтылган.
