Мен өз баламды коргогом! Кошунасынын баласын сабаган кишинин пикири

Жазылуу
Борбор калаада эркек киши баланы кармап берип таяк менен сабаткан аракети видеого түшүп, ал интернетке тарап резонанс жаратты.

Окуя Бишкектеги Исхак Разаков атындагы техникалык университеттин №3 жатаканасындагы камерага түшүп калган. Видеодон бир бала экинчисинен качып, анысы жетип барып таяк менен бир чапканын көрүүгө болот. Буга ачууланган ата баласына кол көтөргөн жеткинчектин ийининен кармап турган, бул маалда анын балдары аны таяк менен ургулашкан. Андан кийин эркек балага кыйкырып, түртүп бетке муштаган.

Сабалган баланын апасы Sputnik Кыргызстан агенттигине уулу үйгө абдан корккон абалда чуркап келгенин жана кошуналары окуя кандайча болгонун айтып беришкенин билдирди.

"Ал киши менин уулум колуна таяк алып, анын баласынын артынан кууп сабаганын айтты. Кечирим дагы сурады. Бирок видеону көргөндөн кийин катуу ачуум келди. Кошунам ушундай кадамга барат деп эч качан ойлогон эмесмин. Милиция чакырып, териштире баштадык. Дүйшөмбү күнү дарыгерлер балам жаракат алганын аныктап, дары-дармек жазып беришкен", — деди баланын апасы.

Молодой парень на большой скорости едет на крыше автомобиля. Фото со страницы пользователя Instagram omks_video - Sputnik Кыргызстан
Алай: жүрүп бараткан унаада бейбаштык кылып издөөгө алынган балдар аныкталды
Анткен менен кошунасынын баласын сабоого уулуна жардам берген Бакыт Шаршенов туура эле иш кылганын айтууда. Ал жумуштан келип, таанышы менен сүйлөшүп жатканда ач кыйкырык укканын билдирди.

"Артты карасам баламдын артынан кууп бараткан башка бала аны таяк менен уруп жатыптыр. Мен аны кармап, таягын тартып алдым. Балам андан өч алыш үчүн эки ирет таяк менен жай эле уруп койду. Ал ыйлап, үйүнө чуркап барып апасын чакырып чыкты. Ар бир ата баласынын артынан бирөө кууп келе жатса, коргойт. Таякка мык кагылган экен, баламдын башына кирип кетсе эмне болмок?" — деп суроо салат Шаршенов.

Бишкек шаардык Кайгуул милициясы 16-сентябрда аталган окуя боюнча арыз келип түшкөнүн маалымдады. Учурда материалдар топтолуп күбөлөр суралып жатат. Ошондой эле бир катар экспертизалар дайындалып, Кылмыш жаза кодексинин 234-беренеси (бейбаштык) боюнча кылмыш иши козголду.

Жаңылыктар түрмөгү
0