Ага биздин техникалык шарттар сизге толук мүмкүнчүлүк түзүп берет. Бул үчүн компьютерди же мобилдик телефонду пайдалансаңыз болот.
Шарты төмөнкүчө: алгач текстти угасыз, аны ошол эле жерге тересиз. Бирок шашып кетпей, көңүл буруп угуңуз. Убакыт кенен, сизге үч ирет окуп беришет. Бүткөн соң, жыйынтыгын билүү үчүн "диктантты текшерүү" деген жерди басасыз. Эгер кааласаңыз, жат жазууңузду Facebook тармагынан бөлүшүңүз, себеби дос-тааныштарыңыз деле диктант жазса жакшы эмеспи.
Тексттердин катасын текшерүүдө Sputnik Кыргызстан маалымат агенттигине Кыргыз улуттук университетинин Тил кафедрасынын окутуучусу, филолог Ишенбек Султаналиев жардам берди.
Бизде кыргыз тилинде ар кыл тесттер бар. Алардын бир тобу туугандардын аталышы, куда-сөөк боюнча. Дагы бир катарынан өтүп, прокуратура кызматкери же депутат боло алар-албасыңызды текшерсеңиз болот.
Эгерде кадимки эле үлкөн Айтматов кызыктырса же Алыкулдун чыгармачылыгы боюнча билимимди сынайм десеңиз, кош келиңиз!
