БИШКЕК, 12-ноя. — Sputnik. Кыргызстан менен Япониянын футболчуларынын оюнуна билеттердин бардыгы сатылып бүттү. Бул тууралуу Футбол федерациясынан кабарлашты.
Оюн 2022-жылы өтө турган Дүйнө чемпионатынын тандоо турунун алкагында өтөт. Эки команданын беттеши 14-ноябрда саат 17:15те Дөлөн Өмүрзаков атындагы стадиондо башталат.
"Тилекке каршы, биздин стадионго бардык күйөрмандар батпайт. Буга байланыштуу фан-зона уюштурулат. Толук маалыматты кийинчерээк беребиз", — дешти федерациядан.
Стадиондун каалгасы оюн башталарына эки саат калганда ачылат. Бишкектин аренасы 18 миңден ашык адамга ылайыкталган.
Япониянын командасы F группасынын лидери. Ал эми Кыргызстан менен Тажикстан экинчи орунда.
Япониянын курама командасы дүйнөлүк рейтингде 28-орунда турса, Кыргызстан 94-сапта.
