10:11 13 Жетинин айы 2019
Түз эфир
  • USD69.8469
  • EUR77.0062
  • RUB1.0939
Кыргызстандык боксчу Эржан Тургумбеков. Архив

Биринчи жолу Евразия чемпиону болгон боксчу Тургумбеков жашып кетти. Сүрөт

© Sputnik / Светлана Федотова
Спорт
Кыскача шилтеме алуу
1361 0 0

Кыргызстандык боксчу чемпиондук наамга алгач ирет татыды.

БИШКЕК, 25-авг. — Sputnik. Кыргызстандык спортчу Эржан Тургумбеков профессионалдык бокс боюнча Евразия чемпиону (ЕВР) болду. Бул тууралуу мелдешти уюштурган RCC Boxing Promotions уюмунун ВКонтакте баракчасында жарыяланган.

Мелдеш кечээ, 24-августта, Челябинск шаарында өткөн. Турнирдин алкагында Эржан Тургумбеков украиналык мушкер Георгий Лашкону калыстардын чечими менен утуп, чемпиондук наамын тартып алган.

"Тургумбеков беттешти абдан ишенимдүү баштап, он раунд бою активдүүлүгүн көрсөтө алды. Жыйынтыгында алгач ирет Евразия чемпиону болду. Анын атаандашы Лашко буга чейин тогуз беттеш өткөрүп, утулуп көргөн эмес", — деп айтылат уюмдун баракчасында.

Спорттук уюм Эржан Тургумбеков менен беттештен кийин маек курган. Сүрөттөрдөн анын көзүнө жаш алганын көрүүгө болот.

"Атаандашым дүйнөлүк рейтингде 100 мыкты боксчунун катарына кирсе, мен керек болсо мыкты 300 мушкердин катарына кире элек болчумун. Жараткандын колдоосу жана талыкпаган эмгегим менен жеңишке жеттим. Он раунддук беттешке алгач ирет чыктым. Даярдануу процесси оор болду", — деген спортчу.

24 жаштагы Эржан Тургумбеков ушуну менен профессионалдар арасындагы карьерасында жетинчи жеңишин камсыздады. 2018-жылы Россиялык RCC BOXING промоутерлик компаниясы менен беш жылга келишим түзгөнү маалым. Спорт сүйүүчүлөр арасындагы бокс боюнча жаштар арасында КРдин эки жолку чемпиону, Евразия оюндарынын күмүш байге ээси.

Тема боюнча

КР мушкери бир да беттеш өткөрбөй туруп Россиядагы турнирди жеңип алды
Сүйүнчү! Кыргызстандын волейболчулары Азия чемпиону болду
Белгилер:
турнир, бокс, Эржан Тургумбеков, Екатеринбург, Кыргызстан

ЭҢ МААНИЛҮҮ