Лыжа спорту боюнча машыктыруучу Борисов: Олимпиадага жакшы даярдана албай калдык

Жазылуу
Түштүк Кореяда өтчү XXIII Олимпиада оюндарына Кыргызстандан лыжа чы Евгений Тимофеев жана биатлончу Тариэл Жаркымбаев барат

БИШКЕК, 30-янв. — Sputnik. Түштүк Кореяда өтө турган кышкы Олимпиадага катышчу кыргызстандык спортчулар тийиштүү деңгээлде даярдана албай калышты. Бул тууралуу Лыжа спорту боюнча федерациянын машыктыруучусу Игорь Борисов маалымат жыйында билдирди.

"Олимпиадага даярдыгыбыз ойдогудай болбой калды. Анткени, спорттун олимпиадалык түрлөрү боюнча дирекция бизди колдоого алган жок. Спортчуларды машыктыруу алдын ала пландалып, атайын бекитилген календарь менен ишке ашат. Биздин жайкы жана күзгү машыгууларыбызды үзгүлтүккө учуратышты. Өзүбүз каражат таап машыгып жаттык. Тилеке каршы, дирекция каржылагандын ордуна бизге 400 миң сом карыз болду. Бул мурдагы жетекчи Алмазбек Касеновдун күнөөсү", — деди Борисов.

Олимпиадага катыша турган спортчулардын бири Евгений Тимофеев Олимпиадага алып бара турган спорттук буюм-тайымдары жетишсиз экенин айтат.

Олимпиада оюндарынын символикасы. Архив - Sputnik Кыргызстан
Кышкы Олимпиадада Кыргызстан спорттун эки түрү боюнча ат салышат
"Стандарт боюнча спортчунун беш түгөй лыжасы болушу керек. Меники экөө гана", — деди ал.

Ал эми дирекциянын мурдагы жетекчиси Алмазбек Касенов Улуттук олимпиада комитети Эл аралык олимпиада комитети аркылуу катышуучуларга ай сайын 1500 доллардан стипендия берерин айтты. Мындан тышкары, алар Жаштар иши, дене тарбия жана спорт боюнча мамлекеттик агенттиктен 25 миң сомдон алып турарын кошумчалады.

"Өз учурунда Жаңы Зеландия, Австрия жана Италия өлкөлөрүнө командировкага барып келүүгө суранышкан. Дирекцияда аларды чет өлкөгө жиберүүгө каражат жок. Дал ошондой эле машыгууларды Кыргызстанда деле өткөрсө болот", — деди Касенов.

XXIII кышкы Олимпиада оюндары 2018-жылдын 9-25-февраль күндөрү Кореянын Пхенчхан шаарында өтөт. Ага Кыргызстандан лыжа спорту боюнча Евгений Тимофеев менен биатлончу Тариэл Жаркымбаев катышат.

Жаңылыктар түрмөгү
0