12:25 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Коом
Кыскача шилтеме алуу
Бишкектин кафесиндеги массалык уулануу (12)
219 0 0

Текшерүүгө уруксат берүү чечими Бишкекте массалык түрдө тамак-аштан ууланган соңку окуядан кийин кабыл алынды. Ал үчүн өкмөттүн токтомуна өзгөртүү кирди.

БИШКЕК, 25-окт. — Sputnik. Кыргыз өкмөтүнүн республикада "Ишкердик субъектилерди текшерүүгө убактылуу тыюу салууну (мораторий) киргизүү жөнүндө" 2018-жылдын 17–декабрындагы токтомунун 1-пунктуна өзгөртүүлөр киргизилди. Бул тууралуу Саламаттык сактоо министрлигинен кабарлашты.

Мындай чечим азык-түлүктү өндүрүү жана сатуу, сактоо, ташуу менен алектенген объектилерде жугуштуу ооруларды жана массалык уулануулардын алдын алуу, тамак-аш азыктарынын коопсуздугун жана эпизоотиялык туруктуу абалды камсыздоо максатында кабыл алынган.

Учурда тамак-аш азыктарын өндүрүп жана сатып, ташып иштеген объектилерде азык-түлүктүн коопсуздугу боюнча техникалык регламенттердин жана башка ченемдик-укуктук актылардын талаптарынын сакталышын текшерүүгө киргизилген мораторий алынды.

Бишкекте азык-түлүктөн эл массалык түрдө ууланган соңку окуяга байланыштуу Мамлекеттик санитардык-эпидемиологиялык көзөмөл борборлорунун адистери өлкөнүн бардык аймагындагы тамак-аш сатуучу жайларды текшерет.

Тема:
Бишкектин кафесиндеги массалык уулануу (12)

Тема боюнча

"Империя пиццы" кафесинин бардык филиалдары убактылуу жабылды
Белгилер:
Кыргызстан, тамак-аш, уулануу, алдын алуу, текшерүү, мораторий

ЭҢ МААНИЛҮҮ