БИШКЕК, 1-авг. — Sputnik. Президент Садыр Жапаров жана Улуттук коопсуздук мамлекеттик комитетинин төрагасы Камчыбек Ташиевдин сууда скутер тээп жүргөн сүрөттөрү социалдык тармактарга жарыяланды.
Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду.
Президент Садыр Жапаров Ысык-Көлдө эс алганын анын маалымат катчысы Эрбол Султанбаев тастыктады.
"Өлкө башчы ушул дем алышты Ысык-Көлдө өткөрдү. Азыр кайрадан Бишкек шаарына келе жатат", — деди ал.
Буга чейин интернетке алардын жаратылыш койнунда эс алып жаткан сүрөттөрү жарыяланган эле.
