Теңиз Бөлтүрүк тууралуу эмне белгилүү

© Фото / пресс-служба Жогорку КенешаКанадалык Centerra Gold Inc. компаниясынын директорлор кеңешинин жаңы курамына кирген Теңиз Бөлтүрүк
Канадалык Centerra Gold Inc. компаниясынын директорлор кеңешинин жаңы курамына кирген Теңиз Бөлтүрүк - Sputnik Кыргызстан, 1920, 17.05.2021
Жазылуу
Теңиз Бөлтүрүктүн өзүнүн айтымында, тоо-кен тармагында 30 жылдан ашык иш тажрыйбасы бар. 1997-98-жылдары Кумтөр кенин ишке киргизүүгө аралашкан.
БИШКЕК, 17-май — Sputnik. Канадалык Centerra Gold Inc. компаниясынын директорлор кеңешинин жаңы курамына кирген Теңиз Бөлтүрүк боюнча социалдык тармактарда бир топ талкуу жүрүп жатат.
Ал өзү тууралуу Жогорку Кеңештин бүгүнкү кезексиз жыйыны учурунда айтып берди.
Ысык-Көл облусунун Түп айылында туулуп-өскөн. Мектепти артыкчылык менен аяктап, Москвадагы Болот жана эритмелер институтуна тапшырган. Андан пайдалуу кендерди байытуу боюнча инженер адистигине ээ болгон.
"Өткөн кылымдын сексенинчи жылдардын аягында Түстүү металлургия министрлигинин чечими менен Ыраакы Чыгышта иштегем. 1990-жылдары Кыргызстанда жаңы курулуп жаткан "Сары-Жаз" комбинатына которушкан. Советтер Союзунун жоюлушу менен ал долбоор токтоп калып, мен "Хайдаркан" камбинатында фабрика жетекчиси катары беш жыл эмгектендим", — деди ал.
Депутат Рыскелди Момбеков. Архив - Sputnik Кыргызстан, 1920, 17.05.2021
Момбеков: "Кумтөрдөн" 5 млрд. доллар өндүрүү — бул жомок
Кийин Солтон-Сары кенинде башкы технолог болуп жүрүп, 1997-98-жылдары Кумтөр кенин ишке киргизүүгө аралашкан.
1998-жылы эл аралык стипендия утуп алып, Германиянын Клаусталь техникалык университетинин аспирантура бөлүмүнө тапшырган. Анда төрт жыл окуп, илим-изилдөө иштери менен алек болгон. 2002-жылы Канадага кеткен.
Өзүнүн айтымында, 30 жылдан ашык убакыттан бери тоо-кен тармагында иштеп, бай тажрыйба топтогон. Бул аралыкта Канада, Россия, Казакстан, Монголия, Кытай, Иран, ТАР, Перу, Германия, АКШ, Австралия сыяктуу 13 мамлекетте 18 ири долбоорду жетектеген.
"2020-жылы президент Жапаров мени Кумтөр көйгөйүн чечүү жана башка тоо-кен долбоорлорун ишке киргизүүгө кол кабыш кылуу үчүн Кыргызстанга келип иштеп берүүгө чакырган", — деди Бөлтүрүк.
Ошондой эле ал кош жарандуулугу бар экенин айтып, депутаттарга Кыргызстандын паспортун көрсөттү. Экинчи жарандыгы Канада мамлекетиники. Белгилей кетсек, Кыргызстандын мыйзамдары жогорку мамлекеттик кызматтагы адамдарга гана кош жарандуулукка уруксат бербейт.
Жаңылыктар түрмөгү
0