15:07 03 Жалган Куран 2021
Түз эфир
  • USD84.8113
  • EUR101.7905
  • RUB1.1373
Коом
Кыскача шилтеме алуу
930 0 0

Кожонова сегиз күндөн бери дайынсыз болууда. Ал 23-ноябрь күнү кечки саат 20:30дар чамасында үйүнөн чыгып кеткен боюнча кайтып келген эмес.

БИШКЕК, 1-дек. — Sputnik. Баткен шаарынын Кызыл-Жол кварталынын 45 жаштагы тургуну Мактым Кожонова коңшулаш Өзбекстан жана Тажикстандан да изделип жатат. Бул тууралуу өкмөттүн облустагы өкүлчүлүгүнүн маалымат катчысы Чолпон Бердикулова Sputnik Кыргызстан агенттигине билдирди. 

Без вести пропавшая 45-летняя Мактым Кожонова, которая пропала в Баткене 23 ноября 2020 года
© Фото / предоставлено пресс-службой полпредства правительства в Баткенской области
Жоголуп кеткен Баткен шаарынын Кызыл-Жол кварталынын 45 жаштагы тургуну Мактым Кожонова

Анын айтымында, Кожонова сегиз күндөн бери дайынсыз болууда. Ал 23-ноябрь күнү кечки саат 20:30дар чамасында үйүнөн чыгып кеткен боюнча кайтып келген эмес. Жакындары издеп таба албай, милицияга кайрылышкан.

Факты Баткен шаардык ички иштер башкармалыгы тарабынан бирдиктүү реестрге "Дайынсыз жоголуу" беренеси менен катталып, ыкчам издөө иштери жүрүп жатат.

Аялды Өзгөчө кырдаалдар министрлигинин 16 куткаруучусу, 15 милиционер жана жергиликтүү тургундар издеп жатышат. Бирок издөө иштери натыйжа бере элек.

Бүгүн, 1-декабрь күнү, аялдын жакындары өкмөттүн Баткен облусундагы өкүлү Жаныбек Жалаловго издөө иштерин көзөмөлгө алууну өтүнүп, кайрылышкан. Жалалов аларга укук коргоо органдары күчөтүлгөн тартипте иштеп жатканын жана коңшулаш Тажикстан менен Өзбекстан республикаларында да издөө салынганын белгилеген.

Мактым Кожонова алты баланын энеси.

Тема боюнча

Инспекторлор шектүү унааны кууп, айдоочусун асманга ок чыгарып кармады
Белгилер:
милиция, издөө, жоголуу, Баткен

ЭҢ МААНИЛҮҮ