БИШКЕК, 25-окт. — Sputnik. Кыз-келиндер күрөшү боюнча дүйнө чемпиону Айсулуу Тыныбекова кыргыздын салттуу кийими менен түшкөн сүрөтүн Instagram баракчасына жарыялады.
Посмотреть эту публикацию в Instagram
Спортчунун айтымында, ал мындай фотосессия уюштурууну көптөн бери пландап жүргөн.
"Ойлогонубуз ишке ашты. Менимче фотосессия эң сонун болду. Жонумда кызыл кенен көйнөк, чыптама, башымда тебетей жана ар кандай кооздуктар. Биз бул сүрөт менен эки доорду бириктире алдык", — деп жазган Тыныбекова.
Интернет колдонуучулары спортчу кыздын сүрөтүнүн алдына суктанган билдирүүлөрдү калтырып, ага салттуу кийим жараша турганын жазышкан.
Айсулуу Тыныбековага өмүр бою стипендия берилмекчи. Суммасы айтылды
Айсулуу Тыныбекова кыз-келиндер арасындагы эркин күрөш боюнча эл аралык класстагы чебер, КРдин көп жолку чемпиону.
