Элдик толкундоодон кийинки экинчи күн. Өлкөдө азыр эмне болуп жатат. Видео, сүрөт

Кара-Суу районунун мурдагы акими Тилек Матраимов кыргыз-өзбек чек арасынан кармалды. Бул тууралуу УКМКдан билдиришти.

Белгилей кетсек, Тилек Матраимов 2012-жылдын февраль айынан тарта Кара-Суунун акими болуп иштеп келген. Парламенттик шайлоо алдында анын кызматтан кетүү боюнча арыз жазганы тууралуу имиштер тараган. Бирок өкмөттүн Оштогу ыйгарым укуктуу өкүлү маалыматты төгүндөп, Матраимов эмгек өргүүгө чыкканын билдирген.

Мамлекет башчы кайрылуусунда азыркы абалдан тезирээк чыгууга болгон күч-аракетин жумшай турганын айтып, ал үчүн ар кыл саясий тараптар менен жеке сүйлөшүүлөрдү өткөрүп жатканын кошумчалаган.
"Кызмат алмашууларды легитимдештирүү зарыл. Ал үчүн Жарлыктарга кол коюшум керек. Парламент кадрдык дайындоолор жөнүндө тиешелүү токтомдорду киргизиши шарт", — деген Жээнбеков.

"Кечээ Бишкекте башаламандык болбошу үчүн 1,5 миңдей жигит көчөгө чыгып, тартипти сактоого жардам берди. Алар Бишкек шаарынан гана эмес, башка аймактардан дагы келгени белилүү болду. Ал жигиттерге чын дилимден ыраазычылык билдирем. Бүгүнкү түнү дагы милицияга 2,5 миңден ашык ыктыярчы кол кабыш кылат", — деди ИИМ жетекчисинин милдетин аткаруучу Асанов.

Өкмөт үйүндө өтүп жаткан элдик координациялык кеңешине "Ыйман Нуру" менен "Замандаш" партияларынын өкүлдөрү  да чакырылды. Алар мурда өздөрү даярдап келген сунуштарын сунуштаганда, ортодо чыңалуу пайда болду.

Азырынча алар өздөрүнүн долбоорун талкуулап жатат.

Депутаттардын ичинен  Дастан Бекешев, Жанар Акаев жана  Эльвира Сурабалдиева ЖКнын кезексиз жыйынын чакырып, легитимдүү премьер-министрди шайлоону сунуштап жатат. Ал арада өкмөт үйүнүн жанына Садыр Жапаровдун тарапташтары чогулууда.

Кечээ ага Ош шаардык кеңеши ишенбөөчүлүк көрсөткөндөн кийин кызматтан кеткенин жар салган. Ордуна ЖК депутаты Дүйшөн Төрөкулов келген болчу.

Элдик координациялык кеңеш Өкмөт үйүндө отурумун баштады. 

Ошентип, эки күн ичинде Бишкекте  үч мэр "алмашты". Суракматовдон кийин, 6-октябрда  Жоошбек Коеналиев келген, кеч курун Мирлан Бекитаев, эми Алмаз Бакетаев келди.

Топтолгон эл журналисттерди өкмөт үйүнүн ичине киргизүүнү талап кылышууда. 

Өкмөт үйүнө келген митингчилер  сунуштаган Тилек Токтогазиевди бир топ убакыттан кийин өкмөт үйүнө киргизишти. 

Ал жерде турган Садыр Жапаровдун тарапташтары "Садыр" деп кыйкырышууда. 

Өкмөт үйүнө барган топ өкмөт үйүнүн батыш жагындагы эшигине барып, ачууну талап кылышууда. 

Митингге чыккандар өкмөт үйүн көздөй бара жатышат

Трибунага чыгып сүйлөп жаткан Айбек Турдалиев Өмүрбек Бабановди сындап сүйлөп жатканда "Республика" өкүлү Мирлан Жээнчороев анын колунан микрофонду жулуп алды. Ал сүйлөй баштаганда митингге келген эле кыйкырып, ал тургай аны көздөй буюмдарды да ыргытып, Жээнчороев трибунаны ташттап кетүүгө аргасыз болду. 

"Кумтөр Голд Компани" компаниясынын Бишкектеги кеңсесине белгисиз адамдар кирип барды. Бул тууралуу компаниянын маалымат кызматынын жетекчиси Марина Гаврилова билдирди.

Анын айтымында, ишкананын кеңсесине болжолу менен 30 кишиден турган топ кирип алган.

"Отуздай адам алгач "Учкун" имаратына, андан соң "Кумтөрдүн" кеңсесине киришти. Биз элдик кошуундардан, укук коргоо органдарынан жардам күтөбүз", — деди Гаврилова.

"Полковниктерге, ИИМ түзүмүндөгү жетекчилерге айтарым  элге карап түздөнгүлө, элге карагыла, мыйзамдуулукту туу тутушуңар керек. Мындан ары тергөө, ички иштер башка кызматтар бардык маселелерди мыйзам менен чечет", - деди Курсан Асанов.

Борбордук аянттан жол кыймылынын көзөмөлдөгөн автониспекторлорду кезиктире албайсыз. 

  Борбор шаар Бишкекте учурда абал тынч. "Ала-Тоо" аянтында топтолгон эл жок. Коомдук транспорт өз калыбында жүрүп жатат.